Elected as ChairWoman of Brgy. San Roque, Iligan City

 

SK Clet bag ong  chairwoman

Ni:MARIZ REVALES

Iligan City – “Kalimtan nato ang pulitika ug pagkabahin bahin, atong tan awon karon mao ang pagserbisyo alang sa tanan”, maoy pitik sa mensahe  sa bag ong napili nga Sangguniang Kabataan chairwoman sa  barangaya San Roque,Iligan City.

Sa Unity and Victory party nagipahigayon sa grupo ni Gem Marie Raude Clet giawhag niya nga ang tanang kabataan sa iyang barangay mohatag sa ilang kontribusyon pinaagi sa ilang mga huna huna ug mga sugyot kay sumala pa walay mabuhat ang mga opisyales kung wala ang hugot nga suporta.

“Daghang salamat sa inyong suporta kanako uban sa akong  mga opisyales sa SK, sa among mga ginikanan sa wala pagbiya kanamo sa oras sa among panginahanglan “,sumala pa ni Clet

Ang maong programa sa grupo ni Clet kagahapon sa gabii gitambongan nila Cong.Varf Belmonte, Mayor Laurence Cruz, Vice mayor Henry Dy ug mga opisyales sa siyudad ug mga opisyales sa barangay San  Roque nga gipangunahan ni Kapitan Bading Ermac.

Gidugang pa sa bag ong napili nga SK chairwoman nga usa kini ka garbo nakiya ug dakung  hagit sa pagserbisyo dili lamang sa mga batan on apil na ang mga ginikanan ug mga lumulupyo sa barnagy San Roque.Siya mipasalig atubangan sa tanang opisyal ang hugot nga pagduyog ug pagsuporta sa tanang kaluhukan alang sa kalamboan. “Ang akong commitment sa kinatibuk ang programa alang sa kalamboan sa dakbayan sa Ilaigan pinaagi sa Varaf-Cruz-Dy ug mga kauban ug unta buligan usab sa paningkamot sa akong liderato sa Barangay”.sa iyang panapos  nga mensahe.

Si Clet maoy anak nila Gerardo Clet,supervisor sa Phil Eslon Corporation ug Armie Raude Clet,manger sa usa ka direct selling sa dakbayans a Iligan.